Bitget fyucherslari — Sug'urta jamg'armasi

[Taxminiy o'qish vaqti: 5 daqiqa]

Bitget sug'urta jamg'armasi – derivativlar savdosi uchun birja tomonidan yaratilgan risklardan himoya qilish mexanizmidir. U derivativlar savdolarini amalga oshirishda savdogarlarga ortiqcha yo'qotishlardan saqlanishga yordam berish uchun mo'ljallangan. Treyder pozitsiyasi likvidatsiya qilinganda, agar likvidatsiya narxi bankrotlik narxidan yaxshiroq bo'lsa, treyder pozitsiyasidan qolgan marja sug'urta jamg'armasiga qo'shiladi. Biroq, agar likvidatsiya narxi bankrotlik narxidan yomonroq bo'lib, treyder marjasidan ortiq zarar yuzaga kelsa, yetishmayotgan qism sug'urta jamg'armasi hisobidan qoplanadi. Ushbu mexanizm ADL sodir bo'lish riskini kamaytirishga yordam beradi.

E'tibor bering, sug'urta jamg'armasi foydalanuvchilarning yo'qotishlari uchun kompensatsiya emas. U individual savdo yo'qotishlarini qoplamaydi; faqat juda keskin yetishmovchilik holatlarida platformaning hisob-kitob tizimi barqarorligini saqlash uchun aralashadi.

 

Sug'urta jamg'armasi qanday ishlaydi

Treyder hisobida likvidatsiya ishga tushganda, pozitsiya joriy bozor narxidan qat'iy nazar bankrotlik narxida — ya'ni marja to'liq tugaydigan narxda hisob-kitob qilinadi. Sug'urta jamg'armasi balansi yakuniy likvidatsiya narxi va bankrotlik narxi o'rtasidagi farqga qarab o'zgaradi.

Misol: Foydalanuvchi BTCUSDT long pozitsiya ochdi, uning bankrotlik narxi esa 100,000 USDT.

• Agar amaldagi likvidatsiya narxi bankrotlik narxidan yuqori (masalan, 100,100 USDT) bo'lsa, qolgan marja (100,100 USDT – 100,000 USDT) sug'urta jamg'armasiga qo'shiladi.

• Agar amaldagi likvidatsiya narxi bankrotlik narxidan past (masalan, 99,900 USDT) bo'lsa, ortiqcha zarar (99,900 USDT – 100,000 USDT) sug'urta jamg'armasi tomonidan qoplanadi.

 

Sug'urta jamg'armasini qanday ko'rish mumkin

Barcha muddatsiz va yetkaziladigan fyucherslar uchun sug'urta jamg'armasi balansini tekshirish uchun Savdo ma'lumotlari > Fyuchers savdo ma'lumotlariga o'ting, so'ngra Sug'urta jamg'armasini tanlang.

Shuningdek, balansni to'g'ridan-to'g'ri sug'urta jamg'armasi sahifasida ko'rishingiz mumkin. Ma'lumotlar odatda har kuni 5:00 AM (UZT) da yangilanadi.

USDT-M muddatsiz fyucherslari uchun barcha sug'urta jamg'armasi balanslari USDT'da ko'rsatiladi. Ba'zi fyucherslar alohida sug'urta jamg'armasiga ega, boshqalari esa loyihaning o'ziga xos risk darajasiga qarab birlashtirilgan jamg'armani bo'lishadi.

 

Sug'urta jamg'armasi va ADL mexanizmi

Ommaviy likvidatsiya yoki bozorning haddan tashqari o'zgaruvchanligi davrida, agar yo'qotishlar sug'urta jamg'armasining qoplash imkoniyatlaridan oshib ketgan bo'lsa, jamg'arma tugashi mumkin. Bunday holatda ADL mexanizmi ishga tushadi.

 

Izolyatsiyatsiyalangan sug'urta jamg'armasi va birlashtirilgan sug'urta jamg'armasi

Bitget o'zining standart izolyatsiyalangan sug'urta jamg'armasi mexanizmi asosida, ko'p juftlikli savdo muhitiga yaxshiroq moslashish uchun birlashtirilgan sug'urta jamg'armasi tizimini joriy qildi. Bunday muhitda garov yetishmovchiligi riski ko'proq juftliklar bo'ylab kengroq taqsimlanadi.

 

Izolyatsiyalangan sug'urta jamg'armasi (har bir savdo juftligi uchun alohida jamg'arma)

Xususiyatlari:

• Har bir savdo juftligi yoki fyuchers turi o'ziga xos sug'urta jamg'armasiga ega.

• Bankrotlik to'lovi faqat o'sha juftlik jamg'armasi doirasida amalga oshiriladi va boshqalarga ta'sir qilmaydi.

• Oddiy, shaffof va riskdan himoyalangan.

 

Qaysi holatlarga mos keladi:

• Likvidligi yuqori va nisbatan barqaror fyucherslar, ya'ni yirik savdo juftliklari (masalan, BTC, ETH).

• Savdo hajmi yuqori bo'lgan va garov yetishmovchiligi ehtimoli past bo'lgan bozorlar.

 

Avto-deleverij (ADL):

• Ishga tushish sharti: Muayyan savdo juftligi uchun sug'urta jamg'armasi to'liq tugasa.

• To'xtash sharti: Muayyan juftlik uchun sug'urta jamg'armasi ijobiy balansga qaytsa.

 

Birlashtirilgan sug'urta jamg'armasi (bir nechta savdo juftliklari uchun umumiy jamg'arma)

Dizayn konsepsiyasi:

• O'xshash risk profillari, hamda kichik va o'rta savdo hajmlariga ega bo'lgan savdo juftliklari umumiy sug'urta jamg'armasiga birlashtiriladi.

• Garov ta'minoti yetarli bo'lmagan taqdirda, umumiy jamg'arma birinchi navbatda yo'qotishlarni qoplaydi. ADL faqat jamg'arma balansi yetarli bo'lmasa ishga tushadi.

 

Qaysi holatlarga mos keladi:

• Savdo hajmi kichik va o'rtacha bo'lgan juftliklar.

• Risk profillari o'xshash va likvidligi nisbatan yuqori bo'lgan juftliklar.

• Katta balansli izolyatsiyalangan jamg'armalarni saqlash uchun yetarli bo'lmagan kam hajmli juftliklar.

 

Avto-deleverij (ADL):

• Ishga tushish sharti: Birlashtirilgan sug'urta jamg'armasining kapitali 12 soatlik davr ichida eng yuqori nuqtasidan 50% ga kamaysa.

• To'xtash sharti: Birlashtirilgan sug'urta jamg'armasining kapitali ishga tushish nuqtasidagi qiymatiga nisbatan 30% ga oshsa.

 

Eslatma: Platforma bozor sharoitlariga qarab 12 soatlik vaqt oralig'i hamda 50% yoki 30% kabi chegaraviy ko'rsatkichlarni o'zgartirish huquqini o'zida saqlab qoladi.

 

Nima uchun birlashtirilgan sug'urta jamg'armasi joriy etildi

Birlashtirilgan sug'urta jamg'armasi bir nechta savdo juftliklari uchun kapital samaradorligini oshirish va risk boshqaruvini kuchaytirish maqsadida tashkil etilgan. O‘xshash risk profiliga ega, savdo hajmi kichikdan o'rtachagacha bo'lgan juftliklarni guruhlash orqali birlashtirilgan sug'urta jamg'armasi zararlarni qoplashga yordam beradi — har bir juftlik uchun alohida katta balansli izolyatsiyalangan sug'urtma jamg'armasiga ega bo'lish talab etilmaydi.

Asosiy afzalliklar:

• Yuqori kapital samaradorligi: Mablag'lar juftliklar o'rtasida taqsimlanadi, bu esa bo'sh kapitalni kamaytiradi.

• Riskni yaxshiroq xedj qilish: Birlashtirilgan sug'urtma jamg'armasi bir nechta juftliklar bo'yicha zararlarni yutishi mumkin.

• ADL ehtimolining pasayishi: Zararlar tekisroq taqsimlanadi, shu sabab ADL yuz berish ehtimoli pasayadi.

Ushbu tizim platforma barqarorligini saqlashga yordam beradi, shu bilan birga treyderlar uchun, ayniqsa, yuqori balansli izolyatsiyalangan jamg'armalarni talab qilmaydigan juftliklar uchun yaxshiroq risk qoplashni ta'minlaydi.

 

Mas'uliyatni rad etish va xavf haqida ogohlantirish

• Sug'urta jamg'armasi va birlashtirilgan jamg'arma mexanizmlari faqat tizimli risk buferlari bo'lib xizmat qiladi va savdo yo'qotishlaridan himoya qilishni kafolatlamaydi.

• Garov yetishmovchiligi, likvidatsiya yoki keskin bozor sharoitlarida ADL baribir ishga tushishi yoki foydalanuvchi qo'shimcha yo'qotishlarga duch kelishi mumkin.

• Platforma sug'urta jamg'armasining hajmini, jamg'arma tasniflarini, qoidalarini va chegaraviy ko'rsatkichlarini bozor sharoitlariga qarab o'zgartirish huquqini o'zida saqlab qoladi.

• Marja savdosi bilan shug'ullanadigan foydalanuvchilar o'z risklarini mustaqil ravishda baholashlari, hamda kredit yelkasi va pozitsiya o'lchamlarini ehtiyotkorlik bilan sozlashlari kerak.

 

Tez-tez beriladigan savollar

1. Bitget sug'urta jamg'armasi nima?

Sug'urta jamg'armasi derivativlar savdosida risk buferi bo'lib, u treyderlarning individual odatiy yo'qotishlarini qoplash uchun emas, balki ekstremal holatlarda ortiqcha zarar ta'sirini kamaytirish va hisob-kitob tizimi barqarorligini ushlab turish uchun mo'ljallangan. Bu individual savdo yo'qotishlari uchun kompensatsiya emas.

2. Sug'urta jamg'armasi likvidatsiya paytida qanday ishlaydi?

Treyderning pozitsiyasi bankrotlik narxida likvidatsiya qilinganda:

• Agar likvidatsiya narxi bankrotlik narxidan yaxshiroq bo'lsa, qolgan marja sug'urta jamg'armasiga qo'shiladi.

• Agar likvidatsiya narxi bankrotlik narxidan yomonroq bo'lsa, ortiqcha zarar sug'urta jamg'armasi tomonidan qoplanadi.

3. Izolyatsiyalangan va birlashtirilgan sug'urta jamg'armalari o'rtasidagi farq nimada?

• Izolyatsiyalangan jamg'arma: Har bir savdo juftligining o'z jamg'armasi bor; bankrotlik bo'yicha qoplash faqat o'sha juftlik doirasida amalga oshadi.

• Birlashtirilgan jamg'arma: O'xshash risk profillariga ega bo'lgan bir nechta savdo juftliklari umumiy bitta jamg'armani bo'lishadi; zararlar ADL ishga tushishidan oldin umumiy jamg'arma tomonidan qoplanadi.

4. ADL qachon ishga tushadi?

• Izolyatsiyalangan jamg'arma: Agar ma'lum bir juftlik uchun jamg'arma to'liq tugasa, ADL ishga tushadi.

• Birlashtirilgan jamg'arma: Agar birlashtirilgan jamg'armaning kapitali 12 soat ichida eng yuqori nuqtasidan 50% ga kamaysa, ADL ishga tushadi.

5. Nima uchun birlashtirilgan sug'urta jamg'armasi joriy etildi?

Birlashtirilgan sug'urta jamg'armasi kapital samaradorligini oshiradi, risklardan himoya qilishni kuchaytiradi va ADL ishga tushish ehtimolini kamaytiradi, ayniqsa o'xshash risk profillariga ega kichik va o'rta hajmli savdo juftliklari uchun.

 

Mas'uliyatni rad etish va xavf haqida ogohlantirishBitget tomonidan taqdim etilgan barcha savdo darsliklari faqat ta'lim maqsadlarida taqdim etilgan va moliyaviy maslahat sifatida qabul qilinmasligi kerak. Bo'lishilgan strategiyalar va misollar faqat tushuntirish maqsadida bo'lib, haqiqiy bozor sharoitlarini aks ettirmasligi mumkin. Kriptovalyuta savdosi katta xavflarni, shu jumladan mablag'laringizni yo'qotish xavfini o'z ichiga oladi. O'tmishdagi natijalar kelajakdagi natijalarni kafolatlamaydi. Har doim batafsil o'rganib chiqing va yuzaga kelishi mumkin bo'lgan xavflarni tushunib oling. Bitget foydalanuvchilar tomonidan qabul qilingan har qanday savdo qarorlari uchun javobgar emas.